വടകര: ജനങ്ങളെ പിഴിയുന്ന ബജറ്റ് ആണ് സർക്കാർ അവതരിപ്പിച്ചതെന്ന് യൂത്ത് ലീഗ്. പെട്രോൾ ഡീസൽ വിലക്ക് സെസ് ഏർപ്പെടുത്തി പാവപ്പെട്ട ജനങ്ങളെ മുറുക്കിപ്പിഴിയുന്ന ബജറ്റാണ് സർക്കാർ അവതരിപ്പിച്ചത്.
എല്ലാ മേഖലയിലും ജനങ്ങളെ കൊള്ളയടിക്കുകയാണ്. കോർട്ട് ഫീ വർധിപ്പിച്ചു.യുവാക്കളെ പ്രയാസപെടുത്തുന്നരീതിയിൽ ബൈക്കുകൾക്ക് വില കൂടി. അതുകൊണ്ടുതന്നെ സമസ്ത ജന വിഭാഗങ്ങൾക്കും, നാട്ടിലെ പാവപെട്ട ജനങ്ങൾക്കും പ്രയാസം സൃഷ്ടിക്കുന്ന രീതിയിലാണ് ബജറ്റ് അവതരിപ്പിച്ചത്.
യൂത്ത് ലീഗ് ജില്ലാ സെക്രട്ടറി ഷുഹൈബ് കുന്നത്ത് പറഞ്ഞു. വീടുകൾക്ക് നികുതികൾ കൂട്ടി,ഇലക്ട്രിസിറ്റിക്ക് ചാർജ് കൂട്ടിത്തുടങ്ങി. ജനങ്ങളുടെ മേൽ നികുതിഭാരം അടിച്ചേൽപ്പിക്കുന്ന ബഡ്ജറ്റ് ആണ് അവതരിപ്പിച്ചത് . ജനജീവിതം ദുസ്സഹമാക്കുന്ന തരത്തിൽ നികുതി വർധനവ് ഏർപ്പെടുത്തി കൊണ്ടുള്ള കേന്ദ്ര - സംസ്ഥാന സർക്കാറുകളുടെ ബജറ്റ് നിർദേശങ്ങൾ പിൻവലിപ്പിക്കണമെന്നാവിശ്യപ്പെട്ട് വടകര നിയോജക മണ്ഡലം യൂത്ത് ലീഗ് കമ്മിറ്റി നടത്തിയ ബഡ്ജറ്റ് വിചാരണ സദസ്സ് ഉൽഘാടനം ചെയ്തു സംസാരിക്കുകയായിരുന്നു അദ്ദേഹം.
സമരം ചെയ്യുന്നവരെ തുറങ്കിൽ അടച്ച് സമരത്തെ അടിച്ചമർത്താമെന്നത് സർക്കാറിന്റെ വ്യാമോഹം മാത്രമാണ്. കാളപെറ്റാൽ കയറെടുക്കുന്ന പല യുവജന സംഘടനകൾക്കും ഇന്ന് മിണ്ടാട്ടമില്ല, ഷുഹൈബ് കുന്നത്ത് കുറ്റപ്പെടുത്തി. എം എസ് എഫ് ജില്ലാ സെക്രട്ടറി അനസ് കടലാട്ട് മുഖ്യ പ്രഭാഷണം നടത്തി.
വടകര നിയോജക മണ്ഡലം യൂത്ത് ലീഗ് പ്രസിഡന്റ്‌ സനീദ് എ വി അധ്യക്ഷത വഹിച്ചു. ജനറൽ സെക്രട്ടറി അൻസീർ പനോളി സ്വാഗതവും ട്രഷറർ താഹ പാക്കയിൽ നന്ദിയും പറഞ്ഞു. സിറാജ് ആർ, മുനീർ പനങ്ങോട്ട്, ഷംസീർ വി പി, സഫീർ കെ കെ, യൂനുസ് മാസ്റ്റർ, ഷാനിഷ്, അബ്ദുൽ ഗനി, അർഷാദ് കണ്ണൂക്കര നേതൃത്വം നൽകി.
tightening; The government presented a budget that squeezes the people - Youth League
