#Budget | ബജറ്റ് അവതരണം നടത്തി; ആയഞ്ചേരിയുടെ സമഗ്ര വികസനത്തിന് 32 കോടിയുടെ പദ്ധതികൾ

#Budget | ബജറ്റ് അവതരണം നടത്തി; ആയഞ്ചേരിയുടെ സമഗ്ര വികസനത്തിന് 32 കോടിയുടെ പദ്ധതികൾ
Feb 1, 2024 05:39 PM | By MITHRA K P

ആയഞ്ചേരി: (vatakaranews.in) ആയഞ്ചേരി ഗ്രാമപഞ്ചായത്തിന്റെ സമഗ്ര വികസനത്തിനും ജനക്ഷേമത്തിനും ഊന്നൽ നൽകി 2024 - 25 വാർഷിക ബജറ്റ് വൈസ് പ്രസിഡൻറ് സരള കൊള്ളിക്കാവിൽ അവതരിപ്പിച്ചു. ഉൽപാദന- സേവന- പശ്ചാത്തല മേഖലയിലെ ക്രമാനുഗതമായ പുരോഗതി ലക്ഷ്യമിട്ടാണ് ബജറ്റിലെ ഓരോ സംഖ്യയും നീക്കിവെച്ചിട്ടുള്ളത്.

പഞ്ചായത്തിലെ പാവപ്പെട്ടവരെയും അതിദരിദ്രരുമായവരെയും കൈപിടിച്ചുയർത്തുകയെന്ന ലക്ഷ്യമിട്ട് ഭവന നിർമ്മാണത്തിനും പരിഷ്കരണത്തിനും ലൈഫ് ഭവന പദ്ധതിക്കുമായി നാല് കോടി 55 ലക്ഷം രൂപയും പുതിയ റോഡുകളുടെയും കെട്ടിടങ്ങളുടെയും നിർമ്മാണത്തിനും നവീകരണത്തിനുമായി മൂന്ന് കോടി 31 ലക്ഷം രൂപയുമാണ് ബജറ്റിൽ വകയിരുത്തിയിട്ടുള്ളത്.

കാർഷിക മേഖലക്ക് ഏറെ പ്രാധാന്യമുള്ള പഞ്ചായത്ത് എന്ന നിലക്ക് കൃഷിക്ക് 38 ലക്ഷം രൂപയും മൃഗസംരക്ഷണത്തിനും ക്ഷീര വികസനത്തിനുമായി 44 ലക്ഷം രൂപയും നീക്കിവെച്ചിട്ടുണ്ട്. സാമൂഹ്യ സുരക്ഷിതത്വ പെൻഷന് ഏഴരക്കോടി രൂപയും തൊഴിലുറപ്പ് തൊഴിലാളികൾക്കും മറ്റു പ്രവർത്തനങ്ങൾക്കുമായി നാല് കോടി 55 ലക്ഷം രൂപയും ഫണ്ട് വകയിരുത്തിയിട്ടുണ്ട്.

പഞ്ചായത്തിൻ്റെ നൂതന ആശയമായ ശിശു സൗഹൃദ ഗ്രാമം പദ്ധതിക്കായി 52 ലക്ഷം രൂപയും ഭിന്നശേഷിക്കാർ, വയോജനങ്ങൾ എന്നിവരുടെ ഉന്നമനത്തിന് 27 ലക്ഷവും പട്ടികജാതി വികസനത്തിന് 18 ലക്ഷം രൂപയുമാണ് ബജറ്റിൽ കണക്കാക്കിയത്.

പഞ്ചായത്തിനെ മാലിന്യമുക്തമാക്കുന്നതിനും ശുചിത്വ പ്രവർത്തനങ്ങൾക്കും കുടിവെള്ളത്തിനുമായി 25 ലക്ഷം രൂപയും ആരോഗ്യ മേഖലയുടെ സർവ്വ വികസനത്തിന് 24 ലക്ഷം രൂപയും ഊർജ്ജ മേഖലക്ക് 7 ലക്ഷവും വിദ്യാഭ്യാസ- കലാ- സാംസ്കാരിക പ്രവർത്തനങ്ങൾക്കായി 6.25 ലക്ഷം രൂപയും ബജറ്റിൽ നീക്കിവെച്ചിട്ടുണ്ട്.

പഞ്ചായത്തിൻ്റെ തനത് ഫണ്ട് വർദ്ധിപ്പിക്കുന്നതിന് ആവശ്യമായ സംരംഭങ്ങൾ തുടങ്ങുന്നതിന് ബജറ്റ് ഊന്നൽ നൽകുന്നുണ്ട്. തറോപ്പൊയിൽ ഭാഗത്തെ തുരുത്തുകൾ കേന്ദ്രീകരിച്ചും കല്ലേരിയിലെ മാഹി കനാലും അനുബന്ധ പ്രദേശവും ഉപയോഗപ്പെടുത്തി ടൂറിസം സാധ്യതകൾ പഠിക്കുന്നതിന് ബജറ്റിൽ നിർദ്ദേശമുണ്ട്.

കൂടാതെ കായിക കുതിപ്പിന് പൊതു കളിസ്ഥലം നിർമ്മിക്കുന്നതിനും ശുപാർശ ചെയ്യുന്നു. 32 കോടി രൂപ വരവും 29.80 കോടി ചെലവും 2.20 കോടി മിച്ചവുമുള്ള ബജറ്റാണ് ഇത്തവണ അവതരിപ്പിച്ചത്. പ്രസിഡൻ്റ് എൻ. അബ്ദുൽ ഹമീദ് അധ്യക്ഷനായി.

സ്റ്റാൻഡിങ് കമ്മിറ്റി ചെയർമാൻമാരായ അഷറഫ് വെള്ളിലാട്ട്, പി.എം. ലതിക, ടി.വി. കുഞ്ഞിരാമൻ മാസ്റ്റർ, പഞ്ചായത്ത് അംഗങ്ങളായ കാട്ടിൽ മൊയ്തു മാസ്റ്റർ, ടി. സജിത്ത്, പി. രവീന്ദ്രൻ, എ. സുരേന്ദ്രൻ എന്നിവർ ചർച്ചയിൽ പങ്കെടുത്ത് സംസാരിച്ചു. ബജറ്റ് മീറ്റിങ്ങിൽ പഞ്ചായത്ത് അംഗങ്ങൾ, സെക്രട്ടറി കെ. ശീതള, മറ്റ് ഉദ്യോഗസ്ഥർ സംബന്ധിച്ചു.

#Budget #presentation #crore #projects #comprehensive #development #Ayanchery

Next TV

Related Stories
#safiparambil | വൈബ് വിജയാരവം  30ന് ;  വടകര ടൗണ്‍ഹാളില്‍ - നിയുക്ത എം.പി ഷാഫി പറമ്പിൽ ഉദ്ഘാടനം ചെയ്യും

Jun 22, 2024 02:38 PM

#safiparambil | വൈബ് വിജയാരവം 30ന് ; വടകര ടൗണ്‍ഹാളില്‍ - നിയുക്ത എം.പി ഷാഫി പറമ്പിൽ ഉദ്ഘാടനം ചെയ്യും

വൈബ് അക്കാദമിക് കൗണ്‍സില്‍ ചെയര്‍മാന്‍ കെ.ടി മോഹന്‍ദാസ് അധ്യക്ഷനാകും. ജനപ്രതിനിധികൾ, ജില്ലയിലെ വിവിധ വിദ്യാഭ്യാസ ഓഫീസർമാർ പരിപാടിയിൽ...

Read More >>
#KKRama | ലഹരി ഉപയോഗത്തിനും ഉപഭോഗത്തിനുമെതിരെ ജനകീയ പ്രതിരോധം ശക്തമാക്കും-കെ.കെ രമ എം.എല്‍.എ

Jun 22, 2024 02:28 PM

#KKRama | ലഹരി ഉപയോഗത്തിനും ഉപഭോഗത്തിനുമെതിരെ ജനകീയ പ്രതിരോധം ശക്തമാക്കും-കെ.കെ രമ എം.എല്‍.എ

നാട്ടിലാകെ ലഹരി മാഫിയ സംഘം ശക്തിപ്പെടുന്ന സാഹചര്യത്തില്‍ വലിയ ദുരന്തങ്ങളാണ് ഇടയ്ക്കിടെ ഉണ്ടായിക്കൊണ്ടിരിക്കുന്നത്. നിരവധി ചെറുപ്പക്കാരുടെ...

Read More >>
#suicideattempt | പയ്യന്നൂർ പോലീസ് സ്റ്റേഷനിൽ വടകര സ്വദേശിയായ പോലീസുകാരൻ ആത്മഹത്യക്ക് ശ്രമിച്ചു

Jun 22, 2024 02:01 PM

#suicideattempt | പയ്യന്നൂർ പോലീസ് സ്റ്റേഷനിൽ വടകര സ്വദേശിയായ പോലീസുകാരൻ ആത്മഹത്യക്ക് ശ്രമിച്ചു

ഒരുവർഷം മുൻപ്‌ പയ്യന്നൂർ പോലീസ് കൺട്രോൾ റൂമിലേക്ക് നിയമിതനായ ഇദ്ദേഹം ഇപ്പോൾ പയ്യന്നൂർ പോലീസ് സ്റ്റേഷനിലാണ്...

Read More >>
#arrest |മാഹി വിദേശ മദ്യവുമായി തിക്കോടിസ്വദേശി എക്‌സൈസ് പിടിയിൽ

Jun 22, 2024 01:43 PM

#arrest |മാഹി വിദേശ മദ്യവുമായി തിക്കോടിസ്വദേശി എക്‌സൈസ് പിടിയിൽ

പരിശോധനയിൽ സിവിൽ എക്സൈസ് ഓഫീസർമാരായ വിനീത് എം.പി, മുസ്ബിൻ ഇ.എം, ശ്യാംരാജ് എ , മുഹമ്മദ് റമീസ്, വനിതാ സിവിൽ എക്സൈസ് ഓഫീസർ സീമ പി, സിവിൽ എക്സൈസ് ഓഫീസർ...

Read More >>
#SDPI | എസ് ഡി പി ഐ സ്ഥാപക ദിനം വടകരയിൽ വിപുലമായി ആചരിച്ചു

Jun 22, 2024 11:08 AM

#SDPI | എസ് ഡി പി ഐ സ്ഥാപക ദിനം വടകരയിൽ വിപുലമായി ആചരിച്ചു

അഴിയൂർ പഞ്ചായത്ത്‌ കമ്മിറ്റിയുടെ നേതൃത്വത്തിൽ ബഡ്സ് സ്കൂൾ കുട്ടികൾക്ക് ഭക്ഷണം വിതരണം ചെയ്തു. ഹൈ സ്കൂൾ, ബാബരി, കണ്ണൂക്കര, തുടങ്ങിയ ബ്രാഞ്ച്...

Read More >>
#parco |വടകര പാർകോയിൽ  എല്ലാ ദിവസങ്ങളിലും ലേഡി സർജൻ ഡോ. റജ്‌വ നൗഫലിന്റെ സേവനം

Jun 22, 2024 10:15 AM

#parco |വടകര പാർകോയിൽ എല്ലാ ദിവസങ്ങളിലും ലേഡി സർജൻ ഡോ. റജ്‌വ നൗഫലിന്റെ സേവനം

വേനലവധിയുടെ ഭാഗമായി സുന്നത്ത് കർമ്മങ്ങൾക്ക് ജനറൽ സർജറി വിഭാഗത്തിൽ പ്രത്യേക ഇളവുകൾ...

Read More >>
Top Stories