വള്ളിക്കാട്: ചോറോട് ഗ്രാമപഞ്ചായത്ത് ജനകീയാസൂത്രണ പദ്ധതി പ്രകാരം വയോജനങ്ങൾക്ക് കട്ടിൽ നൽകി. വരിശ്യക്കുനി യു.പി സ്കൂളിൽ നടന്ന ചടങ്ങിൽ ഗ്രാമപഞ്ചായത്ത് വൈസ് പ്രസിഡണ്ട് രേവതി പെരുവാണ്ടിയിൽ ഉദ്ഘാടനം ചെയ്തു.
ക്ഷേമകാര്യ സ്ഥിരം സമിതി അധ്യക്ഷ ശ്യാമള പൂവേരി അധ്യക്ഷത വഹിച്ചു. സ്ഥിരം സമിതി അധ്യക്ഷരായ കെ മധുസൂദനൻ, സി. നാരായണൻ, മെമ്പർമാരായ പി ലിസി, പ്രസാദ് വിലങ്ങിൽ, പുഷ്പ മഠത്തിൽ, ജംഷീദ കെ സംസാരിച്ചു.
ഐസിഡിഎസ് സൂപ്പർവൈസർ സീന പി.ടി.കെ സ്വാഗതവും, അങ്കണവാടി ടീച്ചർ റീത്താ ഗംഗാധരൻ നന്ദിയും പറഞ്ഞു. 21 വാർഡുകളിലായി 303 കട്ടിലുകളാണ് വിതരണം നടത്തുന്നത്.
15 ലക്ഷം രൂപയോളം പദ്ധതിക്കായി ചെലവിടും. ഗ്രാമസഭകളിൽ അപേക്ഷ നൽകിയ അർഹരായ വയോജനങ്ങൾക്കാണ് കട്ടിലുകൾ നൽകുന്നത്.
For the elderly; Chorod village provided a bed to sleep on
