അഴിയൂർ:(vatakara.truevisionnews.com) ദേശീയ പാതയിൽ അഴിയൂർ ഹാജിയാർ പള്ളിക്ക് സമീപത്തെ ആൽമരത്തിന്റെ ശിഖരം പൊട്ടിവീണു. ബസ് സ്റ്റോപ്പിനുമുൻപിലുള്ള മരത്തിന്റെ വലിയ കൊമ്പാണ് വ്യാഴാഴ്ച രാത്രി ഒമ്പതോടെ മുറിഞ്ഞുവീണത്.
ബസ് സ്റ്റോപ്പിൽ ആരുമില്ലാത്തതിനാൽ അപകടം ഒഴിവായി. ഇടതടവില്ലാതെ വാഹനങ്ങളോടുന്ന സമയത്താണ് സംഭവം. ഏറെ നേരം ഗതാഗതം തടസ്സപ്പെട്ടു. ചോമ്പാല പോലീസും വടകര ഫയർഫോഴ്സു‌ം സ്ഥലത്തെത്തി നടപടി സ്വീകരിച്ചു.
ഈ ഭാഗത്ത് ദേശീയപാതയോരത്ത് അപകടംപതിയിരിക്കും മട്ടിൽ മരങ്ങളുണ്ട്. വീഴാറായ മരങ്ങൾ എത്രയും പെട്ടെന്ന് മുറിച്ചു മാറ്റണമെന്ന് നാട്ടുകാർ ആവശ്യപ്പെട്ടു.
#top #banyan #tree #broke #fell #road #casualties
