വടകര : (vatakara.truevisionnews.com)കടത്തനാടിൻ്റെ കൗമാര കലാ മാമാങ്കത്തിന് തുടക്കമായി. വടകര ഉപജില്ലാ സ്കൂൾ കലോത്സവത്തിന് അരങ്ങുണർന്നു.
ബിഇഎം ഹയർ സെക്കൻഡറി സ്കൂളിൽ നഗരസഭ വൈസ് ചെയർമാൻ പി കെ സതീശൻ ഉദ്ഘാടനം ചെയ്തു.
കൗൺസിലർ പ്രേമകുമാരി അധ്യക്ഷയായി.
ബുധനാഴ്ച വിവിധ ഇനങ്ങളിൽ രചനാ മത്സരവും പ്രശ്നോത്തരിയും നടന്നു. വ്യാഴം, വെള്ളി, ശനി ദിവസങ്ങളിൽ ഒമ്പതു വേദികളിലായി 5000 ത്തോളം വിദ്യാർഥികൾ വിവിധ മത്സരങ്ങളിൽ മാറ്റുരക്കും.
എൽപി, യുപി, ഹൈസ്കൂൾ, ഹയർ സെക്കൻഡറി വിഭാഗത്തിൽ 300 ഇനങ്ങളിലായാണ് മത്സരം. അഞ്ച് ഗോത്രകലകൾ ഉൾപ്പെടുത്തിയ ഇത്തവണത്തെ സ്കൂൾ കലോത്സവത്തിൽ മംഗലംകളി, പണിയ നൃത്തം, മലയപ്പുലയ ആട്ടം എന്നീ മൂന്ന് ഇനങ്ങളിലും വടകര ഉപജില്ലാ കലോത്സവത്തിൽ മത്സരമുണ്ട്.
സ്റ്റാർ സിംഗർ ഫെയിം ശ്രേയ രമേശ് മുഖ്യാതിഥിയായി. നഗര സഭ സ്ഥിരം സമിതി അധ്യക്ഷ സിന്ധു പ്രേമൻ, കൗൺസിലർ വി കെ അസീസ്, എഇഒ വി കെ സുനിൽ, ബിപിസി വി വി വിനോദ്, ഹരീന്ദ്രൻ കരിമ്പനപ്പാലം, റൊണാൾഡ് വിൻസൻ്റ്, കെ കെ മനോജ്, എം പി മുഹമ്മദ് റഫീക്, പി പ്രമോദ്, ഇ ടി നഹന ഫാത്തിമ തുടങ്ങിയവർ സംസാരിച്ചു.
കെ സജിദ സ്വാഗതവും യു ടി കെ അബ്ദുറഹിമാൻ നന്ദിയും പറഞ്ഞു. കലോത്സവം ശനിയാഴ്ച സമാപിക്കും. വൈകിട്ട് ആറിന് കെ കെ രമ എം എൽ എ സമാപന സമ്മേളനം ഉദ്ഘാടനം ചെയ്യും.
#Kadathanad #Vadakara #sub #district #school #staged #arts #festival
