ആയഞ്ചേരി: (vatakaranews.in) ആയഞ്ചേരി കുടുബശ്രീ സി.ഡി.എസ്സ് കോഴിയും കൂടും വിതരണം ചെയ്തു. ആയഞ്ചേരി ടൗണിൽ വെച്ച് നടന്ന പരിപാടി പഞ്ചായത്ത് പ്രസിഡന്റ് ഇൻ ചാർജ്ജ് സരള കൊള്ളിക്കാവിൽ ഉദ്ഘാടനം ചെയ്തു. കോഴിമുട്ട ഉല്പാദനത്തിൽ കേരളം സ്വയം പര്യാപ്തത നേടുകയെന്ന ലക്ഷ്യത്തോടെയാണ് കുടുബശ്രീ മിഷൻ ഈ പദ്ധതി നടപ്പിലാക്കുന്നത്.
ഒരു യൂനിറ്റിന് 15,000 രൂപ വീതം ഇരുപത് യൂനിറ്റുകൾക്ക് 3 ലക്ഷം രൂപയുടെ വായ്പാ പദ്ധതിയാണ് നടപ്പിലാക്കിയത്. Bv 380 ഇനത്തിൽപ്പെട്ട കോഴിയും ഹൈടെക്ക് കൂടുമാണ് വിതരണം ചെയ്തത്.
പഞ്ചായത്ത് സ്റ്റാന്റിഗ് കമ്മിറ്റി ചെയർമാന്മാരായ അഷറഫ് വെളളിലാട്ട്, ടി.വി.കുഞ്ഞിരാമൻ മാസ്റ്റർ, അസി: സെക്രട്ടറി രാജീവ്കുമാർ സി.ഡി എസ്സ് അംഗങ്ങളായ രാധ ചാലിൽ, സ്മിത കെ.പി എന്നിവർ സംസാരിച്ചു.
#Ayancheri #Kutumbashree #CDS #distributed #chicken #coop