മണിയൂർ: (nadapuram.truevisionnews.com) ബോംബേറ് ഉണ്ടായ ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി ബാബു മുതുവീട്ടിലിന്റെയും യൂത്ത് കോൺഗ്രസ് മണ്ഡലം പ്രസിഡണ്ട് വിഷ്ണു മുതുവീട്ടിലിന്റെയും വീട് കോൺഗ്രസ് - ആർഎംപിഐ നേതാക്കൾ സന്ദർശിച്ചു.
സംഭവത്തിൽ സമഗ്രാന്വേഷണം നടത്തി കുറ്റക്കാരെ വളരെ പെട്ടെന്ന് തന്നെ പിടികൂടാൻ വേണ്ട നടപടികൾ ഉണ്ടാവണമെന്ന് നേതാക്കൾ ആവശ്യപ്പെട്ടു.
ടിപി വധക്കേസ് പ്രതികൾക്ക് പരോൾ അനുവദിച്ചത് വടകരയിലെ യുഡിഎഫ് - ആർഎംപി പ്രവർത്തകർക്ക് നേരെ അക്രമത്തിന് കോപ്പ് കൂട്ടാൻ ആണെന്നും നേതാക്കൾ ആരോപിച്ചു.
കെപിസിസി മീഡിയ സെൽ കൺവീനർ ഡോ. പി സരിൻ , ആർഎംപിഐ സംസ്ഥാന സെക്രട്ടറി എൻ വേണു , ബ്ലോക്ക് കോൺഗ്രസ് കമ്മിറ്റി പ്രസിഡണ്ട് പിസി ഷീബ, കോൺഗ്രസ് നേതാക്കളായ സി.ആർ സജിത്ത്, പ്രതീഷ് കോട്ടപ്പള്ളി, ശുഹൈബ് ഒന്തത്, സച്ചിൻ എന്നിവർ പാർട്ടി നേതാക്കൾക്കൊപ്പം ഉണ്ടായിരുന്നു.
#Karuvancheri #bombardment #Congress #RMPI #leaders #visit #house
.jpg)
