ആയഞ്ചേരി:(vatakara.truevisionnews.com) കടമേരി എം.യു.പി. സ്കൂൾ വായനാവാരാഘോഷത്തിന് പ്രൗഢമായ പരിസമാപ്തി കുറിച്ചു. വിദ്യാർത്ഥികളെയും അധ്യാപകരെയും രക്ഷിതാക്കളെയും വായനയുടെ ലോകത്തേക്ക് ആനയിക്കുന്ന വിവിധങ്ങളായ പദ്ധതികളാണ് ആസൂത്രണം ചെയ്തത്.
![](https://tvn.zdn.im/img/truevisionnews.com/0/image-uploads/660a39315a051_TrueVision_Box-W400x280H.jpg)
ക്ലാസ് തല ലൈബ്രറി വിപുലീകരണം, വായനാ മൂലകൾ സജ്ജീകരിക്കൽ, സ്റ്റാഫ് ലൈബ്രറി, വിദ്യാർത്ഥികൾക്കും രക്ഷിതാക്കൾക്കും സാഹിത്യ പ്രശ്നോത്തരി മത്സരം,
അമ്മ വായനക്കായി ലൈബ്രറി പുസ്തക വിതരണം, വിദ്യാർത്ഥികളുടെ ജന്മദിന ഉപഹാരമായി ലൈബ്രറിയിലേക്ക് പുസ്തകങ്ങൾ സ്വീകരിക്കൽ തുടങ്ങി വർഷം മുഴുവൻ നീണ്ടുനിൽക്കുന്ന നൂതനമായ പദ്ധതികളാണ് നടപ്പിൽ വരുത്തുന്നത്.
വാരാഘോഷ സമാപനവും വിദ്യാരംഗം ക്ലബ്ബ് ഉദ്ഘാടനവും പ്രശസ്ത കവി സോമൻ കടലൂർ നിർവഹിച്ചു. കഥകൾ പറഞ്ഞും കവിത ചൊല്ലിയും നർമ്മത്തിൽ ചാലിച്ച അനുഭവങ്ങൾ പങ്കുവെച്ചും വിദ്യാർത്ഥികളുമായി സംവദിച്ചും സദസ്സിനെ വായനയുടെ ആവശ്യകത അദ്ദേഹം ബോധ്യപ്പെടുത്തി.
രക്ഷിതാക്കൾക്കായി നടത്തിയ സാഹിത്യ പ്രശ്നോത്തരി മത്സര വിജയികൾക്കുള്ള ഉപഹാര സമർപ്പണവും അമ്മ വായനക്കുള്ള ലൈബ്രറി പുസ്തക വിതരണ ഉദ്ഘാടനവും അദ്ദേഹം നിർവഹിച്ചു.
ചടങ്ങിൽ വാർഡ് മെംബർ ടി.കെ. ഹാരിസ് അധ്യക്ഷനായി. പ്രധാന അധ്യാപകൻ ടി.കെ.നസീർ, നാദാപുരം ഗ്രാമപഞ്ചായത്ത് അംഗം എ.കെ. സുബൈർ, സ്റ്റാഫ് സെക്രട്ടറി കെ. അബ്ദുറഹിമാൻ, കെ. രതീഷ് ,എസ്. ആർ.ജി. കൺവീനർമാരായ പി. പ്രേംദാസ്, കെ.കെ.സഫീറ,
വിദ്യാരംഗം കൺവീനർ എൽ.ജി. നീതു, ലൈബ്രറി കമ്മിറ്റി കൺവീനർ പി.പി.എം. ജസ്മിന എന്നിവർ സംസാരിച്ചു.
#Kadameri MUP #School's #week #celebration #program #ends #with #bang #opening #new #avenues #reading