ചോറോട്: (vatakara.truevisionnews.com) എരപുരം ( മുട്ടുങ്ങൽ മീത്തലങ്ങാടി) ഡിസ്പൻസറിയിൽ ഡോക്ടർ സേവനം ലഭ്യമാക്കണമെന്ന് ആവശ്യപ്പെട്ടുകണ്ട് എസ് ഡി പി ഐ ചോറോട് പഞ്ചായത്ത് പ്രസിഡന്റ്‌ ജലീൽ ഇ കെ പഞ്ചായത്ത് പ്രസിഡന്റ്‌ ചന്ദ്രശേഖരൻ മാസ്റ്റർക് നിവേദനം സമർപ്പിച്ചു.
തീരദേശ പ്രദേശമായ മുട്ടുങ്ങലിലും സമീപ പ്രദേശങ്ങളിലും ഉള്ള ജനങ്ങളുടെ ചികിത്സാ ആവശ്യങ്ങൾക്ക് വേണ്ടി കിലോമീറ്റർ ദൂരമുള്ള വടകരയും മാങ്ങാട്ട് പാറയിലും പോവേണ്ട അവസ്ഥയാണ് ഇപ്പോഴുള്ളത്.
ജീവിതത്തിന്റെ രണ്ടറ്റം കൂട്ടിമുട്ടിക്കാൻ പ്രയാസപ്പെടുന്ന മത്സ്യതൊഴിലാളികൾ അടക്കമുള്ള സാധാരണക്കാർക്ക് മുട്ടുങ്ങൽ ഹെൽത്ത്‌ സെന്ററിൽ ഡോക്ടർ സേവനം ലഭ്യമാവുകയാണെങ്കിൽ വളരെ ഉപകാരമായിരിക്കും.
ആരോഗ്യകേന്ദ്രം പണിതിട്ട് വർഷങ്ങളായിട്ടും ഡോക്ടർ സേവനം ലഭ്യമാക്കാൻ സാധിക്കാത്തത് ജനങ്ങളോടുള്ള വഞ്ചനയാണ്.
ജീവിത ചിലവുകൾ നാൾകുനാൾ വർധിച്ചുകൊണ്ടിരിക്കുന്ന സമകാലിക സാഹചര്യത്തിൽ സൗജന്യ ചികിത്സ സാധാരണക്കാർക്ക് ഉറപ്പ് വരുത്തേണ്ടത് അധികാരികളുടെ ഉത്തരവാദിത്വമാണ്.
മുട്ടുങ്ങൽ ഹെൽത്ത്‌ സെന്ററിൽ ഡോക്ടറെ നിയമിച്ചു കൊണ്ട് സാധാരണക്കാരുടെ ചികിത്സാ പ്രശ്നം പരിഹരിക്കണമെന്ന് നിവേദനത്തിൽ ആവശ്യപ്പെട്ടു.
എസ് ഡി പി ഐ ചോറോട് പഞ്ചായത്ത് സെക്രട്ടറി സിദ്ധീഖ് പള്ളിത്തായ, ആസിഫ് ചോറോട്, ശഹീം മീത്തലങ്ങാടി,അഫ്രീദ് ചോറോട് എന്നിവർ നിവേദന സംഘത്തിൽ ഉണ്ടായിരുന്നു.
#Provide #doctor #service #Muttungal #Meethalangadi #Dispensary #SDPI
