ഓർക്കാട്ടേരി : (vatakaranews.com) മണ്ണറിഞ്ഞ് വളം ചെയ്യുക കൃഷിയെ അഭിവൃദ്ധിപ്പെടുത്തുക എന്ന ലക്ഷ്യത്തോടെ പ്രോമിസ് ആർട്സ് & സ്പോർട്സ് ക്ലബ്ബിന്റെയും ഏറാമല കൃഷിഭവന്റെയും സംയുക്താഭിമുഖ്യത്തിൽ മണ്ണ് സാമ്പിൾ പരിശോധിച്ച് റിപ്പോർട്ട് നൽകി. തിക്കോടി മൊബൈൽ സോയിൽ ടെസ്റ്റിംഗ് യൂണിറ്റിലെ അസിസ്റ്റന്റ്റ് സോയിൽ കെമിസ്റ്റ് സ്മിത നന്ദിനി, സയന്റിഫിക്ക് അസിസ്റ്റന്റ് സജിന,ബിജോഷ് ജിനു, സുധീഷ് എന്നിവർ പരിപാടിക്ക് നേതൃത്വം നൽകി.
![](https://tvn.zdn.im/img/truevisionnews.com/0/image-uploads/660a39315a051_TrueVision_Box-W400x280H.jpg)
വ്യത്യസ്തങ്ങളായ കാർഷിക വിളകൾക്ക് ഏതൊക്കെ സമയത്ത് എന്തൊക്കെ വളപ്രയോഗം നടത്തേണ്ടതുണ്ട് എന്ന കാര്യത്തിൽ കൃത്യമായ തീരുമാനങ്ങളെടുക്കാൻ ഇത്തരം പരിശോധനകൾ ഏറെ സഹായകരമാകുമെന്ന് ക്യാമ്പിൽ പങ്കെടുത്ത കർഷകർ പറഞ്ഞു . കർഷകരായ പി.കെ സുരേന്ദ്രൻ, സഹദേവൻ ഇ, ദാമോദരൻ പി., കുന്നോത്ത് ഗോപാലൻ ക്ലബ്ബ് പ്രതിനിധികളായ കെ. ചന്ദ്രൻ, ബിജു മണലോത്ത്, ഷാജി പടത്തല എന്നിവർ പങ്കെടുത്തു
#soil #testing #camp #conducted #Orkateri