---
title: "ഉഷാറായി കന്നിയങ്കം; ഇനി സംസ്ഥാന കലോത്സവത്തിൽ കാണാം"
english_title: "Won 1st position in folk song competition with A grade ;See you at the state arts festival"
publisher: "vatakaranews.in"
canonical_url: "https://vatakara.truevisionnews.com/news/83053/won-1st-position-in-folk-song-competition-with-a-grade-see-you-at-the-state-arts-festival"
published_at: "2022-12-02T18:33:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6389f80e5bfb2_nadan_patt.jpg"
keywords: []
---

# ഉഷാറായി കന്നിയങ്കം; ഇനി സംസ്ഥാന കലോത്സവത്തിൽ കാണാം

> **Lead Summary:**  വടകര: ഉഷാറായി തന്നെ കന്നിയങ്കം. ഇനി സംസ്ഥാന കലോത്സവത്തിൽ കാണാം. 61ാ മത് ജില്ലാ കലോത്സവം സമാപിച്ചിരിക്കെ ഹയർസെക്കൻഡറി വിഭാഗം നാടൻപാട്ട് മത്സരത്തിൽ എ ഗ്രേഡോടെ ഒന്നാം സ്ഥാനം നേടിയിരിക്കുകയാണ് ഗവ: മാപ്പിള ഹയർസെക്കണ്ടറി സ്കൂൾ കൊയിലാണ്ടി.

## Article Content

 വടകര: ഉഷാറായി തന്നെ കന്നിയങ്കം. ഇനി സംസ്ഥാന കലോത്സവത്തിൽ കാണാം. 61ാ മത് ജില്ലാ കലോത്സവം സമാപിച്ചിരിക്കെ ഹയർസെക്കൻഡറി വിഭാഗം നാടൻപാട്ട് മത്സരത്തിൽ എ ഗ്രേഡോടെ ഒന്നാം സ്ഥാനം നേടിയിരിക്കുകയാണ് ഗവ: മാപ്പിള ഹയർസെക്കണ്ടറി സ്കൂൾ കൊയിലാണ്ടി.

ടീം ലീഡർ കാർത്തിക ബി.എസിന്റെ നേതൃത്വത്തിൽ 7 ഗായിക സംഘമാണ് ഗാനമാലപിച്ചത് . അനീന, കൃഷ്ണേന്ദു, അനാമിക ജി.ആർ, അനാമിക എം. ആർ, നന്ദന, ദേവിക. മുൻ വർഷങ്ങളിലും കൊയിലാണ്ടി മാപ്പിള എച്ച് എസ് എസ്. നാടൻ പാട്ടിൽ ഒന്നാം സ്ഥാനം നേടിയിരുന്നു. ഗുരു രാജീവൻ കെ കെയുടെ ശിക്ഷണത്തിലാണ് ഈ നേട്ടം കൈവരിച്ചത്.

സ്കൂളിലെ പ്രധാന അധ്യാപിക അടക്കമുള്ളവർ ഇവർക്ക് പൂർണ്ണ പിന്തുണയുമായി എന്നും കൂടെയുണ്ടായിരുന്നു. കന്നിയങ്കത്തിൽ തന്നെ ഒന്നാം സ്ഥാനം നേടി സംസ്ഥാന കലോത്സവത്തിലേക്ക് യോഗ്യത നേടിയതിന്റെ ആഹ്ലാദത്തിലാണ് കാർത്തികയും കൂട്ടുകാരും.

### Related Links & Sources
- [Original Story Source](https://vatakara.truevisionnews.com/news/83053/won-1st-position-in-folk-song-competition-with-a-grade-see-you-at-the-state-arts-festival)