---
title: "മദ്യം പിടികൂടി; ബൈക്കിൽ കടത്തിക്കൊണ്ടു വരികയായിരുന്ന 32 ലിറ്റർ മാഹി വിദേശ മദ്യവുമായി രണ്ടു പേർ പിടിയിൽ "
english_title: "Two persons were arrested with 32 liters of Mahi foreign liquor which they were transporting on a bike"
publisher: "vatakaranews.in"
canonical_url: "https://vatakara.truevisionnews.com/news/94868/two-persons-were-arrested-with-32-liters-of-mahi-foreign-liquor-which-they-were-transporting-on-a-bike"
published_at: "2023-02-05T15:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63df7b5ea7eb3_madyam_f.jpg"
keywords: []
---

# മദ്യം പിടികൂടി; ബൈക്കിൽ കടത്തിക്കൊണ്ടു വരികയായിരുന്ന 32 ലിറ്റർ മാഹി വിദേശ മദ്യവുമായി രണ്ടു പേർ പിടിയിൽ 

> **Lead Summary:** **വടകര:** ബൈക്കിൽ മാഹി വിദേശ മദ്യം കടത്തുന്നതിനിടെ രണ്ടു പേർ പിടിയിൽ . കൊയിലാണ്ടി സ്വദേശികളായ സഞ്ജു. എ. ടി, ഷനീഷ്. പി.കെ എന്നിവരെയാണ് എക്സൈസ് പിടികൂടിയത് .

## Article Content

**വടകര:** ബൈക്കിൽ മാഹി വിദേശ മദ്യം കടത്തുന്നതിനിടെ രണ്ടു പേർ പിടിയിൽ . കൊയിലാണ്ടി സ്വദേശികളായ സഞ്ജു. എ. ടി, ഷനീഷ്. പി.കെ എന്നിവരെയാണ് എക്സൈസ് പിടികൂടിയത് .

എക്സൈസ് റെയിഞ്ച് പാർട്ടി ജോയിന്റ് എക്സൈസ് കമ്മീഷണർ സ്‌ക്വാഡിലെ സിവിൽ എക്സൈസ് ഓഫീസർ രാഗേഷ് ബാബു. ജി. ആർ നൽകിയ രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് കണ്ണൂർ -കോഴിക്കോട് ദേശീയ പാതയിലെ ചോറോട് റയിൽവേ മേൽപ്പാലത്തിന് സമീപത്തു നിന്ന് 32 ലിറ്റർ മാഹി മദ്യവുമായി ഇരുവരും പിടിയിലായത് .

രണ്ടു പേർക്കുമെതിരെ കേസെടുത്തു.വടകര എക്സൈസ് റെയിഞ്ച് ഓഫീസിലെ പ്രിവന്റീവ് ഓഫീസർ രഞ്ചിത്ത്. ടി. ജെ, സിവിൽ എക്സൈസ് ഓഫീസർമാരായ വിജേഷ്.പി, വിനീത്. എം. പി, സിനീഷ്. കെ, മുസ്‌ബിൻ. ഇ. എം എന്നിവർ സംഘത്തിലുണ്ടായിരുന്നു.

### Related Links & Sources
- [Original Story Source](https://vatakara.truevisionnews.com/news/94868/two-persons-were-arrested-with-32-liters-of-mahi-foreign-liquor-which-they-were-transporting-on-a-bike)