വടകര : (vatakara.truevisionnews.com) ഔപചാരിക വിദ്യാഭ്യാസത്തിലേക്ക് ചുവട് വയ്ക്കുന്ന എല്ലാ കുരുന്നുകൾക്കും സ്നേഹ സമ്മാന മൊരുക്കി പ്രവേശനോത്സവം ഹൃദ്യമാക്കുകയാണ് കെ.കെ.രമ എം.എൽ എ.
![](https://tvn.zdn.im/img/truevisionnews.com/0/image-uploads/660a39315a051_TrueVision_Box-W400x280H.jpg)
വടകര മണ്ഡലത്തിലെ മുഴുവൻ വിദ്യാലയങ്ങളിലും ഒന്നാം ക്ലാസിൽ പ്രവേശനം നേടിയ മുഴുവൻ വിദ്യാർത്ഥികൾക്കും എം.എൽ.എയുടെ സ്ഥിരം വിദ്യാഭ്യാസ ശാക്തീകരണ പരിപാടിയായ വൈബിൻ്റെ നേതൃത്വത്തിലാണ് കുട്ടി വൈബ് സമ്മാനങ്ങൾ.
വിവിധ പഠനോപകരണങ്ങളും, വൈബ് കളറിങ്ങ് ബുക്കും അടങ്ങുന്നതാണ് ഈ കുഞ്ഞു സ്നേഹസമ്മാനം. വൈബിൻ്റെ നേതൃത്വത്തിൽ മുഴുവൻ സ്കൂളുകളിലും ഈ സമ്മാനക്കിറ്റ് എത്തിച്ച് തുടങ്ങി. ജൂൺ മൂന്നിന് വടകര സെന്റ് ആന്റണീസ് ഹൈസ്കൂളിൻ്റെ പ്രവേശനോത്സവത്തിൽ ഔപചാരികമായ വിതരണം നടത്തും.
പുതിയ അധ്യയന വർഷത്തിൽ വിദ്യാലയങ്ങളിൽ എത്തിച്ചേരുന്ന മുഴുവൻ വിദ്യാർത്ഥികൾക്കും സമ്മാനങ്ങൾ ലഭിക്കുന്ന സന്തോഷം അധ്യാപകർ വൈബ് പ്രവർത്തകരുമായി പങ്കുവച്ചു
#Entrance #Festival #wibe #program #Vatakara #MLA