വടകര :(vatakara.truevisionnews.com) പ്രതിഭകളെയും ഉന്നത വിജയികളെയും ഡയമണ്ട് മണിയൂർ അനുമോദിച്ചു. അനുമോദനം ഏറ്റുവാങ്ങിയവരിൽ വിസ്മയ സുനിലും. ഈ വർഷത്തെ എസ്എസ്എൽസി, പ്ലസ് ടു പരീക്ഷകളിൽ മുഴുവൻ എപ്ലസ് വിജയം നേടിയ വിദ്യാർത്ഥികളെ ഡയമണ്ട് മണിയൂർ അനുമോദിച്ചു.
ക്ലബ്ബ് പ്രസിഡന്റ് പി എം മുകുന്ദൻ മാസ്റ്ററുടെ അധ്യക്ഷതയിൽ മണിയൂർ യുപി സ്കൂൾ ഹാളിൽ നടന്ന പരിപാടി വാർഡ് മെമ്പർ എ ശശിധരൻ മാസ്റ്റർ ഉദ്ഘാടനം ചെയ്തു.
കോഴിക്കോട് ജില്ലാ വിദ്യാഭ്യാസ ഉപഡയറക്ടർ സി മനോജ് കുമാർ മുഖ്യപ്രഭാഷണവും ഉപഹാര സമർപ്പണവും നടത്തി. എസ്എസ്എൽസി പരീക്ഷയിൽ സമ്പൂർണ്ണ വിജയം കരസ്ഥമാക്കിയ മണിയൂർ ഗവൺമെന്റ് ഹയർ സെക്കൻഡറി സ്കൂളിനെയും, എൽഎസ്എസ് പരീക്ഷയിൽ ഉന്നത വിജയം നേടി കോഴിക്കോട് ജില്ലയിൽ ഏറ്റവും മികച്ച വിദ്യാലയമായി ഉയർന്നു നിൽക്കുന്ന മണിയൂർ നോർത്ത് എൽ പി.സ്കൂളിനെയും ആദരിച്ചു.
ലോക പരിസ്ഥിതി ദിനത്തോടനുബന്ധിച്ച് കേരള നിയമസഭയും യൂനിസെഫ് ഇന്ത്യയും സംയുക്തമായി നടത്തിയ കാലാവസ്ഥ അസംബ്ലിയിൽ കോഴിക്കോട് ജില്ലയെ പ്രതിനിധീകരിച്ച് പങ്കെടുത്ത കുമാരി വിസ്മയ സുനിലിനെയും ഉപഹാരം നൽകി അനുമോദിച്ചു.
ചടങ്ങിൽ വാർഡ് മെമ്പർ ശ്രീമതി ഫാത്തിമ ടിടി, മണിയൂർ ഗവൺമെന്റ് ഹൈസ്കൂൾ അധ്യാപിക ശ്രീമതി നീതു ശ്രീലേഷ്, മണിയൂർ നോർത്ത് എൽ പി സ്കൂൾ ഹെഡ്മിസ്ട്രസ് ശ്രീമതി ഷീജ ഒതയോത്ത്, വിസ്മയ സുനിൽ, ആൻമേരി ലിയ, വൈഷ്ണ ഗിരീഷ് എന്നിവർ സംസാരിച്ചു.
ചടങ്ങിൽ ക്ലബ്ബ് സെക്രട്ടറി ഈ സത്യനാഥ് സ്വാഗതവും, ബി സന്ദീപ് നന്ദിയും പറഞ്ഞു
#Vismaya #Sunil #Diamond #Maniyur #felicitated #the #top #winners
.jpg)
.jpeg)
