---
title: " പൈപ്പ് ലൈൻ കുഴി; പൈങ്ങോട്ടായി സ്കൂൾ റോഡിൽ വാഹനങ്ങൾ താഴുന്നത് പതിവാകുന്നു"
english_title: "Pipeline pothole Vehicles sinking on Paingotai School Road is becoming a common occurrence"
publisher: "vatakaranews.in"
canonical_url: "https://vatakara.truevisionnews.com/news/302808/pipeline-pothole-vehicles-sinking-on-paingotai-school-road-is-becoming-a-common-occurrence"
published_at: "2025-07-16T11:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68773b7f8c163_pathohl.jpg"
keywords: []
---

#  പൈപ്പ് ലൈൻ കുഴി; പൈങ്ങോട്ടായി സ്കൂൾ റോഡിൽ വാഹനങ്ങൾ താഴുന്നത് പതിവാകുന്നു

> **Lead Summary:** **വടകര: **പൈങ്ങോട്ടായി സ്കൂൾ റോഡിൽ വാഹനങ്ങൾ താഴുന്നത് പതിവാകുന്നു. ജൽജീവൻ മിഷൻ പൈപ്പ് ലൈൻ കുഴിയെടുത്തതിനെ തുടർന്ന് രൂപപ്പെട്ട കുഴിയിലാണ് വാഹനങ്ങൾ കുടുങ്ങുന്നത്.

## Article Content

**വടകര: **പൈങ്ങോട്ടായി സ്കൂൾ റോഡിൽ വാഹനങ്ങൾ താഴുന്നത് പതിവാകുന്നു. ജൽജീവൻ മിഷൻ പൈപ്പ് ലൈൻ കുഴിയെടുത്തതിനെ തുടർന്ന് രൂപപ്പെട്ട കുഴിയിലാണ് വാഹനങ്ങൾ കുടുങ്ങുന്നത്.

ഇന്നലെ ഈ റോഡിൽ ലോറി കുടുങ്ങിയത് കാരണം ഇതുവഴിയുള്ള വാഹനഗതാഗതം മണിക്കൂറുകളോളം നിലച്ചു. പൈങ്ങോട്ടായി സ്കൂളിലേക്കും ആ ഭാഗത്തുനിന്ന് വിവിധ സ്കൂളുകളിലേക്കും പോകണ്ട വിദ്യാർത്ഥികൾ വാഹനം പോകാൻ കഴിയാത്തതിനെ തുടർന്ന് പ്രയാസപ്പെട്ടു.

ആശുപത്രിയിലേക്കും മറ്റും പോകേണ്ട രോഗികളും മണിക്കൂറുകൾ കാത്ത് നിന്ന ശേഷമാണ് വാഹനം കടന്നുപോയത്.കാലവർഷം എത്തിയതോടെ ഈ റോഡ് പൂർണ്ണമായും തകർന്ന അവസ്ഥയാണുള്ളത്. പൈങ്ങോട്ടായി സ്കൂൾ, ബിആർസി എന്നിവിടങ്ങളിലേക്കുള്ള വഴിയായതിനാൽ വിദ്യാർത്ഥികൾ ഉൾപ്പെടെ ദുരിതം നേരിടുകയാണ്.

### Related Links & Sources
- [Original Story Source](https://vatakara.truevisionnews.com/news/302808/pipeline-pothole-vehicles-sinking-on-paingotai-school-road-is-becoming-a-common-occurrence)